Mirela Kumbaro gjatë fjalës së mbajtur në Kongresin e PS, ka thënë se gjendja e partisë në qarkun Gjirokastër është e mirë. Duke iu referuar krahasimit me shtyllën kurizore që përmendi Ulsi Manja, ajo u shpreh ndër të tjera se në Gjirokastër socialistët i kanë të 7 vertebrat. Por ajo evidentoi si problem kërkesat e shumta për punësim në shtet.
“Mbasi kanë mbaruar ato nevojat e anëtarëve apo drejtuesve të organizatave, kalohet në kërkesa të tipit: Tani unë jam në punë, gruan e kam në punë, më fut icik dhe cunin në punë. Kjo është një lloj sindrome që është si një plagosje që duhet ta kurojme të mos majiset”, tha ministrja e Turizmit dhe Mjedisit, e cila është njëkohësisht edhe drejtuese politike e socialistëve në qarkun Gjirokastër. ©argjiroja.net
