Gjykata e Tiranës ka caktuar masën e sigurimit arrest në shtëpi për Endri Niken, i dyshuar për veprën penale “veprime që pengojnë zbulimin e së vërtetës”.
Nika u arrestua pasi rezultoi që kishte fshirë mesazhet në celularin e të dashurës së tij, Aldorjana Loshi, policja që u gjet e vetëvrarë në banesën e saj.
E reja shërbente në Komisariatin e Policisë nr.5.
Ajo u gjet pa shenja jete, pak ditë më parë në banesën ku jetonte në rrugën “Ali Demi”.
Hetimet vijojnë për të zbuluar shkaqet se përse e reja i dha fund jetës me armën e shërbimit.