Milan ka marrë tri pikët e para në Serie A pas fitores 2-0 në Lecce ndaj skuadrës vendase. Një fitore me mjaft vuajtje, por që vlen shumë pas startit zhgënjyes ku kuqezinjtë humbën 1-2 me Cremonese.
Miqtë nga Milano ishin dominues të të dyja pjesët dhe do të gëzonin në minutën e katërt, kur Gabbia godet bukur me kokë dhe shënon, por festën do ta prishte VAR, që ka parë një faull në zonë para se të hynte topi në rrjetë.
Edhe në pjesën e dytë Milan vijoi me të njëjtin ritëm dhe në minutën e 60-të Gimenez shënoi, por sërish goli nuk vleu, kësaj radhe VAR e anuloi për pozicion jashtë loje. Por 6 minuta më pas askush nuk mund ta ndalonte Loftus-Cheek për t’i dhënë avantazhin skuadrës së tij.
Katër minuta nga fundi vjen edhe goli i sigurisë, teksa Pulisic shënon të dytin, duke qetësuar edhe trajnerin Allegri në stol.
