VIDEO/ Moti i keq në Gjirokastër, shihni momentin kur përmbytet shtëpia në “Dunavat”

Një shtëpi në lagjen “Dunavat” të Gjirokastrës u përmbyt sot nga vërshimi i ujërave. Argjirolajm.net sjell video nga ky moment i vështirë për familjen e Bledar Gurit. Siç shihet nga pamjet uji vjen furishëm në ambientet e jashtme të banesës. Guri thotë se njoftoi policinë dhe forcat zjarrfikëse, të cilat i erdhën në ndihmë, por pa i dhënë zgjidhje përfundimtare problemit. Ai e gjen fajin tek Bashkia Gjirokastër, e cila sipas tij ka mbyllur aty pranë një kanal për shkarkimin e ujërave. Kjo është hera e tretë radhazi që banesa e tij po përmbyetjet. Bledar Guri bën thirrje për ndihmë dhe ndërhyrje nga Bashkia Gjirokastër për t’i dhënë zgjidhje këtij problemi.