Një zhvillim i ri ka sjellë dinamika dhe tensione të shtuara në shtëpinë e Big Brother VIP Albania, pasi mbrëmjen e sotme Brikena, Greta, Mateo, Kristi, Mali dhe Miri kanë dalë zyrtarisht nga akuariumi, duke iu bashkuar pjesës tjetër të banorëve.
Vendimi erdhi nga Vëllai i Madh, i cili u dha gjashtë banorëve mundësinë të lënë pas izolimin, por me një kusht të prerë: ata nuk duhet të komunikojnë në asnjë mënyrë me banorët e tjerë të shtëpisë, përveçse me njëri-tjetrin. Çdo shkelje e këtij rregulli do të sillte pasoja të menjëhershme dhe kolektive.
Sipas rregullit të vendosur, nëse qoftë edhe njëri prej tyre flet apo reagon ndaj pjesës tjetër të shtëpisë, të gjashtë do të rikthehen në izolim për një kohë të pacaktuar, duke e bërë sfidën edhe më të ndërlikuar.
Në një moment teksa banorët ndodheshin te divanët jashtë në oborr, Selin shkoi dhe iu afrua Gretës. Teksa kishte një buzëkuq ajo nisi t’i lyente buzët dhe më pas i jep edhe një puthje në buzë. Greta nuk foli fare me të, vetëm iu ktheu përgjigje banorëve që kanë qenë në akuarium me të.
Menjëherë pas daljes nga akuariumi, banorët e tjerë kanë nisur provokime të drejtpërdrejta, me synimin që t’i vënë në vështirësi dhe t’i shtyjnë drejt gabimit.
