Edi Rama ka postuar në Facebook spotin e fushatës për zgjedhjet e 25 qershorit, ku motoja është: “Po nis pjesa e dytë… Forca”.
Në video nuk del për asnjë çast fytyra e Ramës, por zëri i tij shoqëron çdo sekuencë të video-montazhit.
Rama deklaron se themelet janë hedhur dhe përmend reformat e kryera nën qeverisjen e tij. Kryeministri vë theksin tek fshirja e “malit me borxhe”, rikthimin e “policisë në krye të detyrës”, vendosjen e rregullit në pagesën e energjisë dhe taksave.
“Ja dolëm të fitojmë vetting-un”- shprehet Rama, teksa premton se në “pjesën e dytë”, duke nënkuptuar një mandat tjetër, do të rrisë punësimin dhe ekonominë.
Edi Rama shkon drejt fundit të spotit 1-minutësh duke përdorur thirrje nacionaliste.
“Forca! Po fillon! Bashkuar me besa-besë ta çojmë flamurin kuq e zi në Europë. Për Shqipërinë që duam, me shtet, punë, mirëqënie”- mbyllet spoti.
