Vijon vaksinimi i të moshuarve në Gjirokastër. Për të parë nga afër procesin sot ishte edhe Ministri i Brendshëm, Bledi Çuçi, njëherazi edhe drejtuesi politik i PS-së. Teksa publikon disa foto nga ky proces pranë qendrës së krijuar enkas, Çuçi shkruan se nëse opozita vjen në pushtet, kjo do të ishte fatale për vendin, pasi ata nuk kanë asnjë plan as për vaksinimin e as për rindërtimin pas tërmetit.
“Shqipëria buzëqesh, Gjirokastra buzëqesh. Vijon procesi i vaksinimit të të moshuarve sipas ndarjes prioritare. Ne iu gjendëm pranë shqiptarëve si askush tjetër, qoftë gjatë tërmetit ashtu edhe tani gjatë pandemisë. Shqipëria nuk ka mbetur prapa me vaksinimin, përkundrazi është sot është mes atyre vendeve që e kanë filluar me kohë këtë proces dhe do ta përfundojmë. Po t’i lemë punët në duart e #PDLSI, që nuk kanë asnjë plan për vaksinimin dhe as për rindërtimin, kjo do të ishte fatale për vendin. Duhet të shkojmë përpara me Partinë Socialiste. S’ka kohë për pushim dhe as nevojë të bëjmë eksperimente me ata që i kemi parë se çfarë dinë të bëjnë sa herën janë bashkë; rrëmujë dhe rrënim.”, shkruan Çuçi.
