Ndërkohë që numri i vdekjeve nga koronavirusi i ri në Kinë shkoi me shpejtësi në 132 të mërkurën dhe preku 1500 persona të tjerë, Japonia tha se po i evakuon qytetarët e saj nga qyteti Wuhan ku ka ndodhur shpërthimi.
Disa shtete po përpiqen të largojnë shtetasit e tyre nga Wuhan, epiqendra e shpërthimit. Një avion amerikan u ngrit nga Wuhan të mërkurën, tha një zyrtar amerikan, por nuk dihet ende se kush ishin në bord, njofton Reuters.
Zyrtarët amerikanë thanë se Shtëpia e Bardhë po gjykonte nëse duhet të pezullonte fluturimet në vend si një masë drastike për të kontrolluar përhapjen e sëmundjes.
“Të gjitha mundësitë për të ndaluar përhapjen e sëmundjes duhet të jenë mbi tryezë, përfshirë kufizimet e udhëtimeve:, tha Sekretari i Shëndetësisë, Alex Azar.
Shtëpia e Bardhë po zhvillon mbledhje të përditshme për shpërthimin e virusit dhe monitorimin e fluturimeve me Kinën, si një burim I mundshëm infeksioni thanë burimet që kishin dijeni për këtë çështje, megjithëse për momentin ishin kundër pezullimeve të trafikut ajror.
