Policia e Gjirokastrës vijon hetimin për të zbardhur vjedhjen spektakolare të dyqanit ‘Telecom’ në lagjen ’18 Shtatori’, ngjarje që ndodhi në orët e para të mëngjesit të sotëm. Burime të ArgjiroLajm.net nga grupi hetimor, thonë se gjithë grabitja është filmuar nga kamerat e sigurisë të dyqanit, pamjet e të cilave janë sekuestruar nga policia. Po kështu janë sekuestuar edhe pamjet e kamerave të sigurisë në biznese të tjera aty pranë, ose përgjatë rrugës kryesore të lagjes ’18 Shtatori’. Për të mos lënë gjurmë gishtash, tre grabitësit kanë përdodur doreza. Ata u larguan me një makinë. Sipas policisë është grabitur vetëm kasaforta, por ajo ka qenë bosh, nuk ka patur para brenda. Ngjarja ka ngritur shumë pikëpyetje pasi ndodhi në një zonë fare pranë komisariatit të policisë. Eshtë e habitshme sesi autorët thyen dyqanin dhe u larguan të pashqetësuar nga policia.
© ArgjiroLajm.net
