Trajneri i Vllaznisë, Edi Martini analizoi fitoren 0-1 ndaj Teutës.
“Ndeshje e fortë, e luftuar deri në sekondat e fundit. Teuta ka ekip të mirë, na vuri në vështirësi deri në fund. Në pjesën e parë ishim më lart, në të dytën lëshuam më shumë terren, na vunë në vështirësi deri në sekondat e fundit. Komplimentoj djemtë e mi për shpirtin e garës që vendosën në fushë për tre pikë të rëndësishme.
E dija që të luaja 3-5-2 në pjesën e parë isha shumë i reklamuar, se dihet se kam pasur Hodon e të gjithë që kam punuar me ta dhe e dinin si luaj. Ndaj vendosa të luaj 4-3-3 që t’i gjenim në befasi, pastaj e ndërrova. Po ta shihni kur portieri i Teutës u dëmtua dhe u afrua ekipi te trajneri, ndërrova me 3-5-2. Në pjesën e dytë i thashë që gjatë javës që 15 minutat e pjesës së dytë të bënim presing e pastaj të uleshim gradualisht. Çdo gjë që kemi bërë sot, djemtë e kanë përgatitur gjatë javës.
Ne jemi bërë pak më pragmatistë, nuk jemi duke bërë presing shumë lart, duke krijuar lojën tonë gjithë kohën. Dashje pa dashje po shohim më shumë për pikët se sa lojën, se në këto momente janë më të rëndësishme pikët, për moralin. Prisja që në pjesën e dytë të zija Teutën në befasi e të shënoja të dytin, nuk e arritëm. Vuajtëm e u futëm në presion, por e thashë qe jemi bërë pragmatistë e kjo na bën të ulemi kaq poshtë”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
