Një 48-vjeçar nga Saranda është shpallur në kërkim nga Policia, pasi dyshohet se ka kryer një vjedhje në fshatin Halo.
Ngjarja ka ndodhur në banesën e një shtetaseje, nga ku janë marrë një shumë parash dhe disa produkte ushqimore.
Blutë deklaruan se po vijojnë hetimet për zbardhjen e plotë të ngjarjes dhe kapjen e autorit të dyshuar.
Njoftim:
Specialistët për Hetimin e Krimeve në Stacionin e Policisë Livadhja referuan materiale në Prokurori dhe shpallën në kërkim shtetasin A. M., 48 vjeç, banues në Sarandë, pasi dyshohet se ka vjedhur një shumë parash dhe disa produkte ushqimore në banesën e një shtetaseje, në fshatin Halo, Finiq. Punohet për kapjen e tij.
Materialet iu referuan Prokurorive përkatëse, për veprime të mëtejshme.
