Policia është vënë në kërkim të autorit të vrasjes së shtetasit Gëzim Saraçi këtë pasdite në aksin rrugor Poliçan-Suhë në qarkun e Gjirokastrës. Saraçi, banues në Gjirokastër, u vra me sende të forta në kamionçinën e tij nga personi me të cilin po udhëtonte. Dyshimet e para janë se gjithçka ka lindur pas një konfikti të çastit. Deri më tani janë ngritur dy pista se ku mund të fshihet autorit, i cili tashmë është identifikuar. Ai mund të jetë fshehur ose në fshatin Dritë në afërsi me Greqinë ose në fshatin Ndëran në Zagorie.