Kristjan Asllani ka fituar minuta këtë sezon tek Interi, ku është kthyer në një lojtar të rëndësishëm. Mesfushori kuqezi ka bindur të gjithë me paraqitjet e tij, si zëvendësues i Calhanoglu.
Emri i shqiptarit ka qenë shumë i përfolur në merkato, ndërsa thuhet se në tavolinën e Interit ka shkuar një ofertë nga West Ham.
Klubi anglez e pëlqen shumë mesfushorin dhe dëshironte ta transferonte në këtë merkato dimri. Megjithatë Interi ka vendosur ta refuzojë ofertën, duke konfirmuar besimin ndaj Asllanit.
