Xherdan Shaqiri në formacionin e “Euro 2020”

Shaqiri ka zënë vend në 11-she të publikuar nga UEFA pas përfundimit të fazës së grupeve të “Euro 2020” Është publikuar formacioni më i mirë i fazës së parë të Kampionatit Evropian, fazës së grupeve ku u mësuan 16 skuadra që do të vazhdojnë të luftojnë për trofeun. Mes të përzgjedhurve ka emra shumë të rëndësishëm e gjithashtu edhe surpriza, derisa është rreshtuar formacioni 4-3-3.
Në postimin e formacionit në faqen e UEFA-s, shihet edhe Xherdan Shaqiri, që është rreshtuar krah disa yjeve. Ai deri më tani ka realizuar dy gola në Euro 2020 derisa Zvicra e tij do të përballet me Francën në rundin tjetër.