Ylli Asllani ka folur te rrugica poshtë shtëpisë së Sali Berishës në Tiranë. Ai tha se historia e Partisë Demokratike do të jetë e lavdishme përsëri siç ka qenë dhe se kjo është vetëm një epidemi e rastit pas covid, që do të kalojë me shumë lehtësi. Asllani tha gjithashtu se ne besojmë të aftësitë transformuese të Sali Berishës, te karakteri e morali i tij.
“Ne kemi dekada që punojmë me doktor Berishën. Nuk ka ngelur kush të na tregojë neve kush është Sali Berisha, cili është niveli i tij moral, cili është niveli i tij atdhetar. Ne e dimë sepse kemi qenë krah tij dhe kemi ndjerë mirësinë, vullnetin e tij dhe energjinë në transformimin e madh të Shqipërisë”, tha Asllani.
Sipas tij Shqipëria sot është një vend autokrat, ku janë prishur balancat mes pushteteve dhe se të gjitha organet, përfshi këtu edhe SPAK-un, janë vënë në dispozicion të PS-së dhe Edi Ramës. “Ne jemi bashkë këtu të mbrojmë liderin tonë”, daklaroi Ylli Asllani. Më poshtë fjala e tij e plotë. ©Argjiroja.net
