Një 16-vjeçare ka ndërruar jetë mbrëmjen e djeshme për shkak të helmimit nga fasulet. Vajza që ka ndërruar jetë është Genta Pula nga fshati Zenelaj. Mësohet se vajza u helmua për shkak të konsumit të fasuleve të cilave familjarët u kishin hedhur ilaç kundër mizave, por ajo nuk kishte dijeni.
16-vjeçarja është helmuar, pasi kokrrat e fasuleve të paziera i futi në gojë pa ditur se janë bërë me ilaçë kundër mizave. Vajza është dërguar me shpejtësi në spital nga familjarët, por nuk ka mundur që të mbijetojë duke ndërruar jetë.
Burimet i thanë Argjirolajm.net se adoleshentja shkoi në spitalin e Gjirokastrës me parametra vitalë të ulët, pa puls e pa tension. Ndërkohë mësohet se para 3-4 vitesh ajo ka kaluar encefalopati- dëmtim të trurit.
Policia ka marrë në pyetje familjarët e saj, të cilët thonë se vajza nuk kishte dijeni që fasulet ishin lyer me fostoksinë, ndonëse është paksa e paqartë përse një vajzë 16-vjecare do duhej të hante fasule të pagatuara. Një tjetër problem i raportuar nga Spitali i Gjirokastrës është fakti se në këtë qytet nuk ka mjekë toksikolog, i domosdoshëm në situata të tilla.
Adoleshentja ka ndërruar jetë në reanimacion. Gjithësesi, do të jetë ekspertiza mjeko-ligjore ajo që do të përcaktojë shkaqet e vërteta të ngjarjes së rëndë.
©argjiroja.net