Partia Demokratike do të publikojë sonte afër mesnatës listat e kandidatëve për deputetë për 12 qarqet e vendit. Sonte në orën 00:00 skadon edhe afati për dorëzimin e listave në KQZ. Por Lulzim Basha duket se ka një hezitim për zyrtarizimin e listave prandaj po pret të shfrytëzojë deri në limite kohën që ka në dispozicion.
Ai është i frikësuar nga ndonjë “dezertim” i mundshëm i të pakënaqurve, atij grupi që do të ngelet jashtë listave.
Nëse listat do të ishin publikuar më herët gjatë ditës, ekzistonte frika që të mbeturit jashtë mund të shkonin të regjistroheshin me ndonjë prej partive të tjera opozitare, të cilat deri më tani nuk janë regjistruar në KQZ dhe as kanë hyrë në zgjedhje nën siglën e PD-së.
Sidoqoftë kanë mbetur edhe pak orë derisa Basha të zyrtarizojë listën, emrat e përzgjedhur prej tij që do të jenë pas 25 qershorit zëri i PD-së në Kuvend, qoftë në opozitë apo në qeveri nëse arrin të fitojë./lapsi.al
