Ish-ambasadori amerikan në Shqipëri, Aleksandër Arvizu, pohon se situata e zgjedhjeve presidenciale në SHBA i kujton ato në vendin tonë, të zhvilluara në kohën kur ai mbante atë post. I pyetur nga gazetarja Ilva Tare në ‘Euronews Albania’, nëse i kujtonte situata atje zgjedhjet në Shqipëri, Arvizu tha:
“Për fat të keq po. E kam menduar kohën në Shqipëri dhe si shqiptarët kanë ulje-ngritje gjatë zgjedhjeve. Kemi pasur zgjedhje të afërta në SHBA më parë dhe kjo nuk është e pazakontë, si për shembull viti 2000, por mendoj për shkak të Trump dhe disa mbështetësve të tij, retorika, sulmi ndaj medias kjo shton ankthin dhe krijon më shumë tension. Është për të ardhur keq, por kemi ende një sistem shumë profesional të numërimit të votave, ndaj mendoj në fund kjo do të ndihmojë SHBA. Por në Shqipëri, për fat të keq institucionet mund t’i dorëzohen presionit pak më shumë. Në SHBA nuk kemi institucione perfekte, por tradita është më e gjatë këtu”.
Për ish-ambasadorin fitues do të jetë demokrati Biden, por fitorja do të jetë e ngushtë dhe për të kjo do të thotë që Amerika do të jetë e përcarë pas këtyre zgjedhjeve.