Zhduket një turiste çeke në pyllin e Llogarasë

Një turiste ceke rezulton e humbur që prej mbasdites së sotme në pyllin e Llogarasë në Vlorë. Raportohet se çekja ishte bashkë me një grup turistësh që po vizitonin Shqipërinë, por është zhdukur papritur në pyll duke mos pasur asnjë mundësi komunikimi me të. Turistja ishte duke bërë shëtitje në pyll, por nuk është kthyer duke alarmuar shokët e grupit që kanë njoftuar policinë. Dyshohet se turistja ceke ka humbur rrugën në pyllin e Llogorasë. Policia dhe forcat zjarrfikëse vijojnë kërkimet për gjetjen e saj.