Zv. Kryeministri Erjon Braçe i dorëzon organeve të vetingut dosjen për 3 gjyqtarë. Bëhet fjalë për dy gjyqtarë të Gjykatave Administrative dhe një për një gjyqtar të Gjykatës së Vlorës.
Njëri prej këtyre gjyqtarëve ka liruar nga bllokimi 7 ton ushqime të bllokuara nga AKU për shkak se ishin jashtë afatit të skandencës. Ky është pikërisht gjyqtari Elidon Papazisi i Gjykatës Administrative Gjirokastër.
Braçe i kërkon organeve të vetingut që këto dosje të jenë pjesë e hetimit për këta tre gjyqtarë.
“I jam drejtuar me dosje të posacme ministres së Drejtësisë KLGj dhe ONM dhe autoriteteve të vetingut për tre gjyqtarë. Një gjyqtar i Gjykatës Administrative në Tiranë për një çështje që ka vendosur në gjykimin tonë në kundërshtim të hapur me ligjin. Për një gjykatës të rrethit gjyqësor Vlorë që ka vendosur për 3 çështje brenda një minute dhe jashtë kompetencës së tij lëndore. Për një gjykatës të Gjykatës Administrative të Gjiroksatrës që ka liruar nga bllokimi gati 7 tonë ushqime të bllokuara nga AKU për shkak se ishin jashtë afatit të skandencës jo me ditë por me muaj për të mos thënë me vite. Për secilin nga këta cështje i kam kërkuar organeve të vetingut të kenë në vëmendje veprimtarinë e secilit prej këtyre gjyqtarëve që në momentin secili prej tyre të paraqiten në këtë proces, këto cështje ti kenë pjesë të hetimit.”
Deklarata e Braçes u be paraditen e sotme në një prononcim për median jashtë godinës së kryeministrisë.
