Zv.kryeministrja teknike, Ledina Mandija deklaroi se janë evidentuar grupe njerëzish që lëvizin të armatosur dhe me makina pa targa, të përfshirë në shitblerjen e votës.
Mandija u shpreh se do të merren masa për të gjithë personat e përfshirë.
“Është e vërtetë që janë evidentuar grupe të caktuara që lëvizin me makina pa targa edhe me armatime brenda, të përfshirë në shitblerjen e votes.” – tha Mandija në studion e “News 24”.
Ajo përmendi se raste të tilla ka pasur në qytete si: Delvina, Lezha, Lushnja, Velipoja apo vetë Shkodra.
“Në orën 17:00 do kemi një mbledhje ku do të ketë raportime për incidentet nga policia.” – sqaroi zv.kryeministrja ndër të tjera.
