Zyrtarët palestinezë në Gaza janë shprehur se e diela ishte dita më vdekjeprurëse që nga fillimi i konfliktit me Izraelin.
Sipas tyre, më shumë se 40 persona kanë mbetur të vrarë ditën e fundit të javës së kaluar nga sulmet ajrore izraelite në territor.
Ushtria e Izraelit nga krahu tjetër thotë se militantët e Hamas-it kanë lëshuar në drejtim të tyre plot 3 mijë raketa fundjavën që lamë pas.
Në lidhje me situatën e krijuar në Lindje të Mesme, ka ardhur një reagim edhe nga Organizata e Kombeve të Bashkuara. Ka qenë sekretari i përgjithshëm i saj, Antonio Guterres, i cili ka thënë se nëse luftimet vijojnë ende rajoni, do të vendoset në një krizë të thellë.
Zyrtarët e Gazës thanë se 42 persona, përfshirë 16 gra dhe 10 fëmijë, ndërruan jetë në sulmet ajrore të së Dielës.
Dhjetë persona, përfshirë dy fëmijë, janë vrarë në sulmet me raketa ndaj Izraelit që kur filluan luftimet të hënën e kaluar, tha Izraeli.
Numri i përgjithshëm i të vdekurve në Gaza tani qëndron në 188 njerëz, përfshirë 55 fëmijë dhe 33 gra, me 1,230 të plagosur, sipas ministrisë së shëndetit të kontrolluar nga Hamas. Izraeli thotë se dhjetëra militantë janë mes të vdekurve.
Çfarë ndodhi të Dielën?
Sulmet ajrore izraelite goditën një rrugë të populluar në Gaza të dielën, duke shkaktuar shembjen e të paktën tre ndërtesave dhe dhjetëra vdekje.
Hamasi lëshoi një seri raketash drejt Izraelit jugor brenda natës dhe gjatë pasdites.
Miliona izraelitë u grumbulluan në dhoma të sigurta ose strehimore ndërsa sirenat e alarmit u ndezën.
