110 ditë nga zgjedhjet, opozita s’ka vendosur ende për koalicionet

Nga sot jemi 110 ditë larg mbajtjes së zgjedhjeve parlamentare të 25 prillit. Partitë politike kanë afat deri më 25 shkurt të regjistrojnë në KQZ koalicionet.  Kodi u imponon partive politike që tre muaj para datës së votimit të vendosin në lidhje me strategjinë që do ndjekin. Pra, do hyjnë në zgjedhje me lista më vete apo koalicione të përbashkëta. E ndërsa nga ana e PS nuk pritet asnjë e re pasi ka deklaruar kohë më parë se më 25 prill do shkojë e vetme, është opozita ajo që ka tërhequr vëmendjen e opinionit publik. Krerët e partive aleate kanë hedhur idenë e hyrjes në zgjedhje me dy lista, ku LSI të jetë me kandidatët e saj, ndërsa të tjerët në listat e PD. Nga partia më e madhe opozitare ende nuk ka reagim, përveç faktit të pohuar më shumë se një herë që opozita do hyjë e bashkuar në këto zgjedhje.