Një aksident i rëndë rrugor është regjistruar në aksin nacional FierShegan, ku ka humbur jetën 35-vjeçari Klevis Gjoni, drejtues i një motoçiklete.
Sipas informacioneve paraprake, një automjet tip Caddy ishte duke kryer një manovër për t’u futur në anën tjetër të rrugës, me qëllim hyrjen në banesë. Në të njëjtën kohë, motoçikleta që po lëvizte në të njëjtën korsi ka tentuar një parakalim, duke u përplasur me automjetin.
Si pasojë e përplasjes, drejtuesi i motoçikletës ka mbetur i plagosur rëndë dhe, pavarësisht ndërhyrjes së mjekëve, ka ndërruar jetë në spital.
Në vendngjarje kanë mbërritur forcat e Policisë Rrugore, të cilat po punojnë për dokumentimin 6e plotë të aksidentit. Sipas të dhënave paraprake nga policia, shkak dyshohet të jetë manovra e parakalimit nga ana e motoçikletës, ndërsa automjeti tip Caddy ishte në proces kthimi.
