Me rastin e 112-vjetorit të krijimit të Policisë së Shtetit, ditën e sotme, drejtori i Drejtorisë Vendore të Policisë Gjirokastër, Drejtues Altin MERIZAJ, organizoi një ceremoni zyrtare në ambientet e DVP-së.
Në ceremoni morën pjesë Prefekti i Qarkut Gjirokastër z. Odise Kote, Drejtuesi i Prokurorisë Gjirokastër z. Petrit Çano, Kryetarja e Gjykatës Gjirokastër znj. Entela Selmanaj, Zëvëndësdrejtori i DVKM Gjirokastër Kryekomisar Fadil Veli, Drejtoresha e Zyrës Arsimore Gjirokastër-Libohovë znj. Albana Hasanaj, familjarë të Dëshmorëve të Policisë, ish punonjës policie, të cilët kanë dal në pension, drejtues dhe efektivë të DVP Gjirokastër dhe të DVKM Gjirokastër si dhe gazetarë të mediave lokale.
Gjatë fjalës së tij, Drejtor i DVP Gjirokastër Drejtues Altin MERIZAJ shprehu mirënjohje për kontributin dhe sakrificën e punonjësve të Policisë së Shtetit, elemente të cilat kanë qenë thelbësore për vendin, mirëqenien e qytetarëve dhe për prespektivën europiane të Shqipërisë.
Gjithashtu, drejtuesi i DVP Gjirokastër garantoi mbështetjen e tij absolute për punonjësit e Policisë së qarkut Gjirokastër, në çdo betejë kundër krimit. Gjatë ceremonisë, Drejtori i DVP Gjirokastër përcolli dhe mesazhin e Drejtorit të Përgjithshëm të Policisë së Shtetit, Drejtues Madhor Ilir Proda, me rastin e festës së Policisë.
Mesazhi i Drejtor Prodës, urimi dhe mbështetjeje, si dhe garanci se punonjësit e Policisë tashmë nuk janë vetëm në përballjet me krimin.
Më tej, gjatë ceremonisë zyrtare në qarkun Gjirokastër, u përkujtua vepra e Dëshmorëve të Policisë, si piedestal mbi të cilin ngrihet krenaria kombëtare dhe motivi për të bërë më shumë për qytetarët dhe rendin publik.
Gjithashtu, gjatë ceremonisë festive, punonjësve të policisë Komisar Afrim Roshi, N/Komisar Pandeli Golemi, N/Komisar Karafil Haruni, Inspektor Artan Hysesani si dhe tre ish-punonjësve të Policisë së DVP dhe të DVKM Gjirokastër të cilët janë në pension Mimoza Musta, Mufit Çeli dhe Agim Zylfo iu akorduan certifikata për shërbime të dalluara.
