Një tragjedi e papërshkrueshme ka ndodhur në Qipro teksa një çift i ri dhe tre fëmijët e tyre të vegjël u dogjën të gjallë pas një zjarri në një ndërtesë apartamentesh në Agios Nikolaos, Limasol.
Policia ka mbërritur menjëherë në vendngjarje, por tentativat për të hyrë në shtëpinë ku banonte familja kanë rezultuar të pasuksesshme. Banorët e banesave të tjera në pallat kanë arritur të shpëtojnë në kohë para se zjarri të përhapetj.
Megjithatë, babai 35-vjeçar , nëna 33-vjeçare dhe tre fëmijët e tyre të moshës 7 , 3 dhe 2 vjeç , të cilët banonin në katin e dytë, nuk ia dolën dot.
Pas shuarjes së zjarrit u zbuluan kufomat e familjes fatkeqe. Vendi i ngjarjes është rrethuar nga forcat e Policisë dhe Zjarrfikësve, të cilat kanë mbërritur me tre automjete dhe një platformë hidraulike. Pavarësisht përpjekjeve mbinjerëzore, zjarri ishte përhapur.
Një pjesë e shtëpisë, sipas Zjarrfikësve, është ndërtuar me kornizë dhe murature dhe një pjesë me karton gipsi. Shkaqet po hetohen në bashkëpunim me Policinë dhe Shërbimin Elektromekanik.
Dyshohet se shkak i zjarrit mund të ketë qënë një problem i mundshëm elektrik.
