Sot shënohen 9 vite nga ngjarjet e 21 janarit 2011, kur Garda e Republikës e drejtuar nga ish-komandanti Ndrea Prendi, qëlloi mbi 4 protestues që kishin marrë pjesë në protestën e Partisë Socialiste. Aleks Nika, Ziver Veizi, Hekuran Deda dhe Faik Myrtaj, dhe Hekuran Dedaj u vranë më 21 janar 2011, ndërkohë që për vrasjen e tyre, gjykata dënoi Prendin me 1 vit burg dhe ish-gardistin Agim Llupo me 3 vite burg.
Vrasja u cilësua nga gjykata se kishte ndodhur nga pakujdesia, ndërkohë që edhe sot, familjarët e viktimave kërkojnë drejtësi. Familja e njërit prej tyre, Aleks Veizit, jo më larg se dje, njoftoi se ka dërguar çështjen në Strasburg, me shpresën se gjykata Evropian do të japë drejtësi. Ndërkohë që sot, në Bulevardin “Dëshmorët e Kombit”, familjarët e viktimave ndezën qirinj dhe vendosën lule, në vendin ku u vranë të afërmit e tyre.
Krah tyre ishte kryetari i grupit parlamentar të Partisë Socialiste, Taulant Balla, pasi kryeministri Edi Rama mungoi për herë të parë në këtë përkujtim. Vizita si president i OSBE në Kiev, pamundësoi praninë e Ramës në pritjen e përvitshme që iu dedikohet familjarëve edhe në kryeministri, ndërkohë që socialistët ia kanë faturuar 21 janarin “Drejtësisë së Re”.
