40-vjeçari figuron borxhli, dikush kishte marrë dy numra me kontratë në emër të tij. Bën kallëzim në polici

Një burrë nga Saranda ka denoncuar në polici faktin se persona të paidentifikuar, me gjeneralitetet e tij, kanë marrë 2 numra telefoni me kontratë në një kompani celulare. 40-vjeçari R.H pretendon se figuron debitor me një shumë lekësh në këtë kompani, ndonëse ai nuk ka përdorur kurrë këto numra. Cështja i kaluar Prokurorisë së Sarandës për hetime të mëtejshme, ndërsa policia punon për identifikimin e personit që ka përdorur gjeneralitetet e 40-vjeçarit.