Mirela Kumbaro ka folur në podcastin e Alketa Vejsiut. E pyetur se cilat janë 5 gjërat që nuk dimë për një gjirokastrit, Kumbaro thotë:
1. Nuk janë fare kopracë, janë nikoqirë dhe shumë zemërbardhë.
2. Nuk janë zhurmaxhinj, nuk bërtasin në gjërat që bëjnë. Janë gjërat e bukura qe flasin vetë.
3. Ne e pranojmë ndryshimin me pak vështirësi. Duan kohë të binden sepse si puna e Shën Thomait duan ta vënë dorën në plagë përpra se ta besojnë plotësisht. Kjo është prapë shenjë maturie.
4. Janë duarartë në shtëpi, janë duarartë në artizanat.
5. Nuk jemi të lehtë që në momentin e parë. Ndoshta arkitektura ka ndikuar, ndoshta guri ka ndikuar. Po të shohësh edhe dritaret janë të vogla, jepet më shumë mundësia për të parë nga brenda jashtë, jo nga jashtë brenda. Jemi disi introvertë.
