I ashtuquajtuari “Revolucioni Flamingo” ka hyrë sot në ditën e 59-të, teksa qytetarët janë mbledhur para Kryeministrisë pasi marshuan nga sheshi “Skënderbej”.
Edhe ditën e sotme kërkesat janë të njëjta, ata kërkojnë dorëheqjen e të gjithë klasës politike si edhe anullimin e resortit luksoz në Zvërnec i cili ishte edhe pikënisja e kësaj proteste 59 ditë më parë.
Pjesëmarrësit në protestë, gjatë fjalimeve të zakonshme që mbajnë poshtë zyrës së Edi Ramës, kanë bërëm me dije se tubimet do të vijojnë edhe në javët në vazhdim, deri sa t’u përmbushen kërkesat e parashtruara.
Më pas ashtu siç ndodh çdo mbrëmje pritet që protestuesit pas fjalimeve të marshojnë në rrugët e kryeqytetit, me thirrjet e përhershme.
