Marrëveshja mes Ramës dhe Bashës ka patur edhe pasojat e saj mbi LSI-në, duke e dëmtuar si forcë politike në zgjehdjet e ardhshme. Më mbajtjen e zgjedhjeve me 25 qershor, LSI-së i duhet të futet e vetme në këto zgjedhje, pa koalicione, duke ia ulur mundësitë për marrjen e shumë mandateve. Një frikë e tillë mund të vihet re në deklaratat e drejtuesve të lartë të LSI-së, edhe drejt kreu i kësaj force poltike, Petrit Vasili. Ky i fundit në vazhdën e takimeve elektorale, është takuar me simpatizantë të LSI-së në njësinë 9.
Nga aty ai është shprehur se qëllimi i kësaj force politike është një, të dalë forcë e parë politike. Gjithashtu, Vasili tha se për arritjen e këtij qëllimin duhet të mos na zërë gjumi e të flemë me merak deri në 25 qershor. Siç duket, ashtu si Luan Ramën, edhe Vasilin e ka kapur paniku për rezultatin që do të ketë LSI në zgjedhje pas marrëveshjes mes Ramës dhe Bashës.
“Prandaj kjo është forca jonë, prandaj dhe bindja jonë, prandaj dhe objektivi ynë është vetëm një: LSI forcë e parë! Kjo rrugë pa kthim e jona, ky objektiv pa kthim i yni, ka startuar prej ditësh po tani kërkon sprintin final, shpejtësinë maksimale dhe deri në 25 qershor duhet të mos na zërë gjumi, duhet të flemë me merakun se si e ç’bëmë sot, ç’bëmë gjatë gjithë orës e si kontribuuam ditën e sotme e të nesërme deri më 25 qershor, që LSI të jetë forcë e parë.” – tha ndër të tjera Vasili.
