Një prej mbështetësve më të fortë të Edi Ramës në këto 4 vjet qeverisje ka treguar se si kryeministri e lejoi kanabizimin e Shqipërisë. Avokat Spartak Ngjela, aleat i Ramës me partinë e tij Ligj dhe Drejtësi, tha në emisionin “Dritare” të Rudina Xhungës se vendimi ka qenë i qëllimshëm.
“Ça ndodhi dy vitet e fundit? Kush ishte sekreti i dy viteve të fundit? Dy vitet e fundit qeveris ishte në embargo. Qeveria ishte në dekadencë, mund të shpëtonte, ose jo. Atëherë futi në treg kanabisin. E futi në treg dhe e la të lirë. Është ndryshe ta fusësh në treg dhe ndryshe ta lësh në ajër. Po e fute në treg, shteti merr para. Kur e futi në treg, e shpërndau në shumë duar dhe ne ndjemë.
Pa fshatarët kjo gjë nuk bëhej. Duke e futur në treg, qeveria nuk kishte nevojë për para, sepse i merrte në forma të tjera të korrupsionit. E futi në treg për shtetin, pasi kjo shumësi e madhe që merr nga kanabisi, del në treg, në blerje dhe të gjithë janë të kuotuar dhe paguajnë taksa”, deklaroi Ngjela.
