Kryesocialisti shpjegoi në Gjirokastër simbolikën e mbajtjes së timonit i vetëm, duke dalë hapur kundër LSI dhe PDIU me të cilët bashkëqeverisi këtë mandat.
Rama arsyetoi se PS ka qeverisur me një administratë të copëzuar nga partitë dhe e ka pasur të vështirë të bëjë shtet për shkak të partive të tjera. Nëse PS do të qeverisë e vetme, do ta ketë më të lehtë të bëjë shtet, u shpreh kryeministri duke paralajmëruar largimet e njerëzve të LSI dhe PDIU nga administrata.
“Kjo simbolika e timonit është e thjeshtë dhe besoj e kuptueshme për të gjithë. Nëse je në timon, ke të gjithë përgjegjësinë dhe nëse je i detyruar të mbash një tjetër në prehër që të mbajnë dorën në timon, përgjegjësia e madhe mbetet patjetër, por vështirësia për të ecur drejt, shpejt, pa kthesa, pa ndalesa, pa goditje, pa pengesa është shumë e kufizuar.
Unë dua që t’i japim fund edhe një aspekti, që mbetet një problem i madh për ju, mbetet një problem i madh për Shqipërinë. Është bosnjëzimi i shtetit. Bosnja është një shtet federal me komunitete të ndryshme, me republika më vete.
Edhe administrata jonë shtetërore është e copëtuar sikur janë disa republika brenda shtetit dhe mbi çatinë e këtyre republikave janë flamujt e partive. Atë zyrë e ka kjo partia, zyrën partia tjetër, agjensinë partia tjetër, inspektoriatin partia tjeter. Kshu ne e kemi të vështirë të bëjmë shtet, kemi bërë shumë për të bërë shtet por kështu e kemi të vështirë. Kemi dhënë prova që vetëm ne dimë të bëjmë shtet”
Kryeministri ishte më i qartë kur paralajmëroi largimin e drejtuesve të LSI dhe PDIU duke shtuar me tej: Nuk mund të bëhet shteti një strehe vorfnore që t’i mbajë njerëzit me bukë në këmbim të aktivitetit partiak.
