Meta: Në 26 qershor celulari i Vasilit do jetë i zënë nga Rama dhe Basha

Nga Kamza ku LSI zhvilloi fushatën elektorale pasditen e sotme, Ilir Meta paralajmëroi se një ditë pas zgjedhjeve të 25 qershorit do të jenë Edi Rama dhe Lulzim Basha që do të telefonojnë kreun e LSI Petrit Vasili për ta uruar për fitoren dhe t’i shtrijnë dorën për koalicion.
“Mbani mend se ata që u shanë dhe na nxorrën bojën, në 26 qershor në mëngjes nuk do të keni mundësi t’i telefononi Petrit Vasilit për t’i uruar fitoren sepse nuk do t’ju lënë ata. Ata nuk do t’ju lënë radhë juve sepse do futen në sherr kush të arrijë Vasilin i pari në telefon. Dhe do t’i thonë ‘Petrit vëlla urime, t’i lëmë ato, tani ti e kupton se si është situata e kështu me radhë”, tha Meta nga Kamza.