Nga Vangjel Tavo
“Rilindja” mashtron me punësimet e jashtëligjshme sezonale. Mendoni se me ato pak numër punësimesh sezonale do mashtroni banorët e qarkut të Gjirokastrës? Ju panë e ju provuan të gjithë banorët se si i larguat të gjitha drejtoritë dhe i çuat në qytete të tjera, duke hequr kështu nga puna shumë e shumë profesionistë e familjarë që mbanin frymën e familjes së tyre, e që planifikoni të largoni edhe më shumë me heqjes së statusit të Spitalit Gjirokastër nga rajonal në bashkiak për ta çuar në Fier. I mjeruat familjet e Gjirokastrës, dhe e latë të papunë rininë, e tani talleni me punësime të jashtëligjshme sezonale për të siguruar ndonjë votë më shumë pasi jeni të dëshpëruar nga largimi i sigurtë.
Kaq poshtë ka rënë sekti i “Rilindjes.” Gënjen e mashtron familjarët që vuajnë ekonomikisht, U bën presion administratës. Kërcënon me bukën e gojës të punësuarit. Mendoni vërtetë se do i trembni banorët e Gjirokastrës me presionet tuaja për bukën e gojës? Ju gaztorë që keni frikë nga hija juaj? E dimë shumë mirë se kush po e bën këtë. Emër më emër. Po monitorojmë çdo presion e paligjshmëri pasi do jepni llogari përpara ligjit më 26 prill kur sekti malinj i “Rilindjes” të ketë marrë 1 milionë shuplaka, e kur të pësojë humbjen më të madhe në këto 30 vite.
Miq, unë ju premtoj publikisht, që jo vetëm se këta sharlatanë rilindas që nuk kanë asnjë lidhje me Partinë Socialiste do largohen përgjithmonë, por edhe cilido prej tyre që ka i bërë presion për bukën e gojës edhe një njeriu të vetëm do përballet me drejtësinë. Ju premtoj publikisht se të gjitha drejtoritë e larguara orej “Rilindjes” do rikthehen në Gjirokastër. Ju premtoj publikisht se do krijojmë vende të reja pune që rinia të angazhohet në punësim, që familjarët të ushqejnë fëmijët e tyre, dhe që qarku ynë të dalë nga mjerimi dhe varfëria, dhe të rritet ekonomikisht, t’i kthehet dinjiteti si zemra e jugut të Shqipërisë, e të mos jetë më një xhep i braktisur siç e la “Rilindja.” Ndaj, socialistë të thjeshtë e të ndershëm, të gjithë banorët e qarkut të Gjirokastrës, ta shporrim këtë qeverisje të ligë e arrogante që ju varfëroi e ju la pa punë, e të bashkohemi së bashku për punësim, rritje ekonomike, mbështetje, shanse e mundësi për rininë.
