KQZ hodhi sot shortin se kujt i takon numëruesi i tretë në zgjedhjet e 25 qershorit. Sipas këtij shorti është vendosur që atje ku është LSI nuk është PDIU dhe e anasjellta.
Në KZAZ-të ku numri i tavolinave të numërimit është çift, numëruesi i tretë do t’i përkasë LSI-së, ndërsa në ato me numër tek, numëruesi i shkon PDIU-së.
Ndërkohë Partia Republikane një tjetër parti e opozitës, ndryshe nga LSI apo PDIU, do të ketë në çdo zonë një numërues, atë të katërtin. Pas kësaj ndarje ka reaguar Luan Rama i LSI-së, duke e cilësuar vendimin e KQZ-së në shkelje të plotë të ligjit.
