Sado të qëndrojë e fshehur, në një moment apo një tjetër ksenofobia e tregon fytyrën e saj, e kjo ndodhi edhe me Ermal Metën.
Pavarësisht arritjeve të tij të mëdha në vendin fqinj si një kantautor tepër i talentuar, i cili ka bërë përpara vetëm falë aftësive të tij duke u kthyer në një figurë mjaft të dashur për publikun italian, sërish ka nga ana që vazhdojnë ta konsiderojnë thjesht një shqiptar.
Pas një interviste në radio disa komentues e sulmuan Ermalin, duke i përmendur faktin që nuk është italian.
Vetë këngëtari u përgjigj:
“Mua këto komente nuk më prekin fare.
Por unë dua të ndaloj tek to se nuk më duket aspak e drejtë që persona që janë shumë më të rinj se unë të më drejtohen në atë mënyrë, kur unë jam në realitet më shumë italian se ata, sepse jetoj në këtë vend prej më shumë vitesh, pavarësisht se kam ardhur nga një tjetër shtet.
Është e çuditshme që këtë diskutim po e bëj në 2021-shin dhe nuk po e prek këtë temë sepse më pëlqejnë polemikat, në fakt as nuk më plas për to.
Ajo që dua të dini është fakti që të thuhen këto gjëra dhe t’i lësh të ikin i bën të duken normale.
Të flasësh ashpër e t’i përmendësh origjinën dikujt nuk është aspak normale.
Ne jetojmë të gjithë nën një qiell, të gjithë kemi një ndërgjegje të përbashkët kolektive.
Kjo është urrejtje që unë nuk e pranoj dot sepse është idotësi.
Kam vetëm diçka për t’iu thënë: Nëse do dinit vetëm pak fare nga historia e vendit nga unë vij, do ndiheshit krenar, njësoj si unë.
Jam krenar për rrënjët dhe gjakun tim, e nëse ju do i njihnit ata do ndiheshit krenarë që i keni fqinj.
Ju ftoj të lexoni historinë e tyre dhe do mbeteni të mahnitur”, u shpreh ai.
