Kandidati i PD-së në Gjirokastër, Roland Bejko, ka dhënë një intervistë në Alpo Tv. Sipas tij në qeverinë “Basha”, nëse PD i fiton zgjedhjet, ai do të jetë Ministër i Pushtetit Vendor.
“Mua më ka konfirmuar që do të jem Ministër i Pushtetit Vendor. Këtë ua ka komunikuar edhe drejtuesve politikë të PD-së në qark sepse unë u mora me hartimin e programit të PD-së. Basha ka thënë edhe këtë gjë, që askush që ishte ministër në qeverinë “Berisha”, s’do të jetë ministër në qeverinë e tij”, tha Bejko.
Përtej kësaj deklarate të Bejkos, me Bashën ka edhe një problem tjetër, që ilustrohet më së miri me atë që ka thënë para ca kohësh Ilir Meta. “Luli të gënjen edhe për orën”, është shprehur Presidenti. ©argjiroja.net