Vangjel Dule, i treti në listën e PD në Vlorë është në fije të perit dhe mund të mbetet jashtë Parlamentit të ardhshëm.
Vendosja në rrezik e Dules vjen si një surprizë për demokratët, të cilët besonin se vendi i tretë ishte një vend i sigurt në Qarkun e Vlorë.
Kolapsi i PD-së në këtë Qark ka bërë që trendi në Vlorë të jetë tërësisht i ndryshëm nga të dhënat historike, me Partinë Socialiste që thellon ndjeshëm diferencat, duke pasur të sigurt 8 deputetë dhe duke pretenduar të nëntin.
Ndërkohë, PD siguron vetëm dy mandate dhe është duke luftuar fort për mandatin e Dules. LSI kompleton panoramën në këtë Qark, duke siguruar edhe ajo 1 deputet.
