Astrit Patozi shpall kandidaturën për kreun e PD-së. Ky vendim i tij pritet të bëhet publik në një dalje për mediat në orën 18:00 ditën e sotme. Kështu Patozi, një ndër figurat më me peshë dhë eksperiencë politike në PD, pritet të kandidojë për kreun e kësaj force.
Pas rezultati të dobët të PD-së në zgjedhje, kreu i saj Lulzim Basha ngriu funksionet e tij deri në datën 22 korrik kur do të mbahen zgjedhjet për kryetarin e ri. Për kreun e e PD-së kandidojnë 3 kandidatë, Patozi, Basha dhe Selami. Patozi u la jashtë nga listat e kandidatëve për deputetë dhe së bashku me disa figura të njohura të PD-së, dolën në kampin e “rebelëve” të cilat kërkonin dorëheqjen kryetarit Basha.
Më herët Patozi është shprehur se Basha në shkelje të rëndë të Statutit të PD-së, ka hedhur në erë procesin për zgjedhjen e kryetarin. “Hedhin në erë që ditën e parë procesin. Do të thotë që çdo lloj gare minimalisht ka nevojë për disa kushte. Zoti Basha në shkelje të rëndë të statutit të PD-së e hedhin në erë që ditën e parë procesin. Akti i parë konsiderimi i vetëngrirë i kryetarit të PD-së. Kjo nuk është vetëm anti-statut, por nuk gjendet në asnjë vend të botës”, – tha Patozi.
Gjithashtu Patozi është shprehur se ai nuk do të jetë në selinë PD për të mos ndikuar procesin, duke shpresuar për një proces të rregullt. Po ashtu Patozi shprehet se do të ketë një komision që do ta kontrollojë këtë proces në mënyrë që të mos ketë përfshirja nga 3 kandidatët në tentativa për manipulim.
Astrit Patozi me kandidimin e tij, kërkon edhe mbështetjen e grupit “rebel” brenda PD-së të cilët edhe më herët kanë kërkuar dorëheqjen e Bashës. Do të jetë 22 korriku data që do të vendosë së cili nga 3 kandidatë në garë për kreun e PD, do të shpallet fitues.
