Një ushtar i forcave të armatosura është dërguar me urgjencë për të marrë ndihmën e parë mjekësore në Spitalin Rajonal të Gjirokastrës, pasi u asfiksua nga tymi gjatë shuarjes së flakëve që kanë përfshirë zonën e Lunxhërisë.
Mësohet se ngjarja ka ndodhur në fshatin Krinë, Njësia Administrative Antigone, Bashkia Gjirokastër.
Burimet paraprake për Panorama.al, tregojnë se gjendja e ushtarit paraqitet e rëndë, ndërkohë gruaja e të ndjerit Andrea Haxhiaj që humbi jetën të martën si pasojë e flakëve në fshatin Azim Zeneli është transportuar me urgjencë për në kryeqytet për ndërhyrje të specializuar.
Në fshatrat e Gjirokastrës, Krinë, Asim Zeneli dhe Arshi Lëngo situata e flakëve është e vështirë.