Tërmeti i sotëm në ishullin grek Kos ka lënë të plagosur edhe një shtetas shqiptar.
Nga raportimet e deritanishme mësohet se ai është Aldo Begolli nga fshati Flogji i Korçës.
Ai ndodhet në spitalin e ishullit për ndihmë mjekësore dhe raportoht se është jashtë rrezikut për jetën.
Ambasada Shqitare në Athinë është interesuar për Begollin, duke i vënë në dispozicion të familjes ndihmat e nevojshme. Ndërkohë ambasada jonë në Turqi bën me dije se në qytetin e Bodrumit nuk ka shtetas shqiptarë të lënduar.
Tërmeti në brigjet turke dhe disa ishuj grek shkaktoi shumë dëme materiale dhe disa të plagosur, ndërsa deri më tani është raportuar për dy viktima
