Roland Bejko thotë se në Gjirokastër mbështetësit e Berishës po u kërkojnë delegatëve që të firmosin pjesëmarrjen në Kuvendin Kombëtar të thirrur më 11 dhjetor nga ish-kryeministri. Ai pohon se një pjesë e delegatëve i kanë thënë se ua kanë kërkuar firmat që të mbrojnë doktorin pasi ai është në një moment kritik. Bejko thotë se Berisha po e trajton PD sikur të ishte një pronë tij, ndërsa “Foltorja” ka sjellë përçarjen e partisë në tre pjesë.
“Në Gjirokastër janë gati gjysmë për gjysmë, edhe pse kanë firmosur për datën 11, por thonë që na e kërkuan, erdhi dhe kryetari e deputeti na thanë mos ma prish ta hedhim firmën edhe doktorin duhet ta mbrojmë. Ka një pjesë që është qokë, por edhe të tjerë që e kanë bindje. Berisha e konsideron partitë pronë private dhe nuk e duron dot që të jetë partia që të marrë një vendim. Berisha ka përjashtuar njerëz nga partia, Hajdarin e hoqi dhe nuk u çuan të bëjnë këto që bën Berisha me partinë. E nisi për motive personale. Qëllimi i tij është të marrë PD. 11 dhjetorin e konsideroj një gafë e rëndë e Berishës dhe atyre që e ndjekin, të nesërmen s’ka për të ndodhur asgjë.”, tha Bejko gjatë emisionit “Studio Live” në Report Tv.
