Thellohet skandali, publikohen edhe numrat e telefonit të 690 mijë shqiptarëve

Thellohet skandali i listës së pagave të qytetarëve që po qarkullon prej disa ditësh në Shqipëri. E ndërsa dje doli gjerësisht në media lista e pagave të muajit janar të vitit 2021, sot skandali është thelluar akoma më shumë pasi jo vetëm që doli lista e dytë me 60 mijë emra të tjerë më shumë, praktikisht e pagave të Prillit, por përveç kartës së identitetit, pagës dhe të dhënave të tjera janë edhe numrat e telefonit të qytetarëve. Kujtojmë se prokuroria ka nisur hetimet për skandalin në fjalë, ndërkohë që dje qeveria mohoi që kjo listë të ketë dalë zyrtarisht, ndërsa bëri me dije se është e bashkuar.