Nga sot në vend do të hyjnë në fuqi masat e reja të vendosura në kuadër të pandemisë dhe rrezikut nga varianti Omicron i koronavirusit. Në mbledhjen e fundit, Komiteti Teknik njoftoi se nga data 4 janar punonjësit e administratës publike, të qendrave tregtare dhe supermarketeve , do të duhet të dorëzojnë certifikatën e vaksinimit për t’u paraqitur në punë. Në mungesë të certifikatës, ata që nuk duan të vaksinohen, do të duhet të bëjnë test PCR çdo 5 ditë. Masa këto të vendosura me qëllim parandalimin e përhapjes së virusit, sipas ekspertëve.
