Policia e Gjirokastrës sqaron një ngjarje të 3 ditëve më parë, kur një automjet është përplasur me një shtyllë elektrike. Policia thotë se nuk është fshehur ngjarja, por janë kryer të gjitha veprimet proceduriale sipas ligjit dhe ka rezultuar se shoferi nuk ka qenë nën efektin e alkolit, por thjesht ka humbur kontrollin e mjetit. Ai është ndëshkuar me masë administrative 2 mijë lekë të reja. Më poshtë njoftimi.
Në datë 20.01.2022, rreth orës 21:40, është marrë njoftim nga shërbimet e policisë se në lagjen “Puntore”, në Gjirokastër, një automjet ka goditur një shtyllë elektrike. Në vendin e ngjarjes kanë shkuar shërbimet e policisë rrugore të planizuar në këtë zonë, të cilët kanë konstatuar se automjeti tip “Nissan”, me drejtues shtetasin A. M., i pajisur me leje drejtimi, i cili pasi kishte humbur kontrollin e automjetit kishte dalë nga rruga dhe ishte përplasur me një shtyllë elektrike, me pasojë vetëm dëme materiale. Automjeti është në pronësi të shtetases V. Ç. Nga shërbimi i policisë rrugore është kryer procedura administrative sipas procedurave standarte të shërbimit të policisë rrugore, ku u krye testi për përdorim të pijeve alkoolike me aparat Drager, ku rezultoi në masen 0.00 Mg/Liter. Në fund të veprimeve të kryera u vendos masa administrartive me vlerë 2.000 lekë për shkelje të nenit 139 “Shpejtësia”, (pika 2 “Drejtuesi i mjetit duhet të ruajë gjithmonë kontrollin e mjetit dhe të jetë në gjendje
të kryejë të gjitha manovrat e nevojshme në kushte të sigurta, veçanërisht frenimin e menjëhershëm të mjetit brenda kufijve të fushëpamjes dhe përpara çdo pengese të mundshme” dhe pika 10 “Cilido që shkel dispozitat e tjera të këtij neni, ndëshkohet me masë administrative me gjobë nga pesëqind deri në dy mijë lekë”), të Kodit Rrugor.
