Nuk ka surpriza nga Shoqata Rajonale e Gjirokastrës, nga ku sot është propozuar Armand Duka për një tjetër mandat si president i Federatës Shqiptare të Futbollit. Përmes manipulimit dhe presionit, Asambljea e Gjirokastrës sot ka propozuar edhe emrat e Altin Çomos ish kryetar i PD dhe Xhevit Kaçorrit si delegate për ne Asamblenë e 2 marsit.
Ditën e djeshme, Federata tentoi të mbajë zgjedhjet në Gjirokastër pavarësisht se 8 anëtarë të Shoqatës kishin firmosur një dokument për shtyrjen e Asamblesë zgjedhore pasi zbuluan manipulimet që Federata kishte nisur të bënte duke shtuar ose hequr nga lista anëtarë të shoqatës me të drejtë vote, në interes të personave që Armand Duka i sheh si potencial për t’i marrë votën edhe në garën për president më 2 mars.
Me gjithë tentativën e FSHF-së dhe njerëzit që shkuan për votim, zgjedhjet nuk u mbajtën pasi ambientet e stadiumit “Luftëtari” që do shërbenin për këtë proces, ishin të mbyllura.
https://www.youtube.com/watch?v=DOwt5_Qjgx8
