Pasi Lulzim Basha e caktoi si drejtues politik të PD-së në qarkun Gjirokastër, Roland Bejko ka nisur takimet në bazë me anëtarët dhe atë pjesë të strukturave lokale që nuk kanë shkuar te grupimi “Foltores”.
Në një mesazh të shpërndarë në internet pas takimit të sotëm në selinë e PD-së, për të cilën grupimi i “Foltores” tha se u dhunua, Bejko shprehet se shumë të njerëz nga elektorati gri po i bashkohen Partisë Demokratike.
“Nuk na vjen mirë që largohen njerëz nga PD-ja, por jemi shumë të lumtur që na afroohen të tjerë. Dhe ju garantoj që është edhe elektorati gri qe vjen te PD-ja, qytetarë të zakonshëm që nuk iu është dhënë shansi te Partia Demokratike”, tha Bejko.
Më tej ai u zotua se do të rikthehet opozitarizmi në nivel lokal, që sipas tij ka munguar për vite me radhë. Më poshtë mesazhi i plotë i Bejkos.
