Zgjedhjet në Shoqatën Rajonale të Futbollit Gjirokastër sot kanë një sërë shkeljesh nga pikëpamja ligjore. KF Luftëtari rezulton i vendosur nën sekuestro konservative që prej prillit të vitit 2021.
Shoqëria përmbarimore “Strati Baliliff’s Service Shpk” ka urdhëruar QKB-në për vendosjen e masës së sekuestros konservative mbi aktivet e regjistruara nga pala debitore KF Luftëtari , me administrator Enton Dervishin për ekzekutimin e vendimit të Gjykatës së Tiranës, nr.438, datë 28.01.2019.
A është normale që një klub futbolli i vendosur në sekuestro të përfaqësohet në Asamblenë për zgjedhjen e presidentit të FSHF-së?
Është e paqartë se kush është administratori i vërtëtë i KF Luftëtari. Vangjel Çavo, i cili ndodhet jashtë Shqipërisë prej më shumë se një vit, Enton Dervishi që përmendet në vendimin e gjykatës apo Altin Çomo që ishte sot në zgjedhjet e shoqatës rajonale?
Mbetet për t’u parë se çfarë do të vendosë gjykata për ligjshmërinë e këtij procesi, i cili është kontestuar nga një pjesë e madhe e përfaqësuesve të klubeve dhe ka hyrë në një rrugë pa krye. Përfaqësuesit e 8 klubeve në shoqatën e Gjirokastrës bojkotuan zgjedhjet pasi kërkuan të ndalej procesi i manipulimit nga Federata Shqiptare e Futbollit për llogari të Armando Dukës.
https://www.youtube.com/watch?v=DOwt5_Qjgx8&t=3s
