Në pikën kufitare të Kapshticës ka rinisur sot lëvizja e mjeteve të tonazhit të rëndë drejt Greqisë. Kalimi u bllokua një ditë më parë për shkak të reshjeve të dendura të dëborës pas njoftimit nga autoritetet maqedonase dhe greke.
“Drejtoria Vendore e Kufirit dhe Migracionit Korçë Stacioni i Policisë Kufitare Kapshticë: Nga autoritetet e policisë greke, jemi njoftuar se është lejuar lëvizja e mjeteve e tonazhit të rëndë (kamiona) në drejtim të Greqisë. Ndërsa në Pikën e Kalimit Kufitar Qafë Thanë, aktualisht vijon të mbetet i ndaluar kalimi i tyre. Duke ju falenderuar për mirëkuptimin”, thuhet në njoftim.
